Saturday, April 28, 2012
భాను పోలీసులకు ఏం చెప్పాడు ? సూరి హత్య వెనక దాగిన రహస్యం (ఒరిజినల్ స్టోరీ)
Friday, April 27, 2012
బంగారు లక్ష మేన్ కు శిక్ష... శిక్ష వెనుక దాగిన కుట్ర
Thursday, April 26, 2012
భార్య శవంతో శృంగారం.. ఈజిప్ట్ లో శవ సంపర్కం.. చె/కొత్త చట్టం
Wednesday, April 25, 2012
భారత్‌ పరువు తీసిన గణాంక సంస్థలు- అంతర్జాతీయ కుట్ర జరుగుతోంది
Monday, April 16, 2012
వందేళ్ల సినిమాలో ఒడిదుడుకులు.. వందేళ్ల సినిమాకు వందనాలు
ఆ సాయంత్రం ముంబయిలోని ఒలంపియా థియేటర్ ముందు ఆసక్తిగా ఎదురు చూస్తున్నారు. ఎన్నో రోజుల నుంచి ఎదురు చూస్తున్న ఓ అద్భుతానికి పునాదులు పడబోతున్నాయి. అయితే అది విజయవంతంగా మారుతుందా లేదా అనేది అందరి మదినీ తొలుస్తున్న ఉత్కంఠ.. అక్కడ ఉన్న వారంతా ఒక చారిత్రాత్మక సంఘటనకు సాక్షులు. చిత్ర రూపకర్త దాదాసాహెబ్ ఫాల్కే తన ఎన్నో ఎళ్లుగా నిరీక్షిస్తున్న కలను సాకారం చేసుకోవడాన్ని అక్కడికి చేరిన ప్రతి ఒక్కరూ ప్రశంసించారు. దాదాసాహెబ్ స్వదేశీ నిర్మిత పూర్తి నిడివిగల చిత్రాన్ని నిర్మించగలిగారు. ఇది చరిత్రలో ఒక మైలురాయిగా మిగిలిపోయింది.
భారతీయ చలన చిత్రానికి వచ్చే శనివారానికి వందేళ్లు పూర్తవుతున్నాయి. సరిగ్గా ఏప్రియల్ 21, 1913 తేదీన రాజా హరిశ్చంద్ర చలనచిత్రం వెండి తెరపై వెలుగులు చిమ్మింది. కదిలే బొమ్మలను కళ్లముందు ఆవిష్కరించింది.
అయితే చలన చిత్రాన్ని తొలిసారిగా వెండి తెరకు పరిచయం చేసిన భారతీయుల్లో ఫాల్కే ఒక్కరే మొదటి వారు కాదు.. రాజా హరిశ్చంద్రకంటే ముందు పుండలిక్ చిత్రం విడుదలయింది. అయితే ఇది మొత్తం విదేశీ సాంకేతిక సిబ్బందితో... విదేశీయుల సహకారంతో తెరకెక్కింది. కానీ రాజా హరిశ్చంద్ర మాత్రం పూర్తి నిడివి భారతీయతతో ఉట్టి పడుతుంది.
భారతదేశం వలస పాలకుల ఉక్కు పాదాల కింద ఉన్న కాలంలో ఒక స్వదేశీ చిత్రం రావడం చాలా కష్టం. కానీ వెన్ను చూపని ధైర్యానికి తోడు.. కఠోర శ్రమ ఆ లక్ష్యాన్ని నెరవేరేలా చేసింది.
సినిమా తొలినాళ్లలో అందరినీ ఒక్కటి చేసింది. సినిమా చూస్తున్నంత సేపూ కలిమి లేముల ధ్యాసే లేదు. సినిమాకు ఒక సామాజిక బాధ్యత ఉండేది. ముందు వలసలో కూర్చునే వారు... బాల్కనీలో కూర్చునే వారు అనే తేడా ఉన్నప్పటికీ చిత్రాన్ని చూసి ఆనందించడంలో ఎటువంటి తేడా లేదు.. ఆ చీకట్లో తారతమ్యాలన్నీ కనిపించకుండా మాయమయ్యేవి.
స్వాతంత్ర్యానికి పూర్వం వచ్చిన చిత్రాలన్నీ దేశభక్తి ఉట్టిపడేలా తీసినవే.. అప్పటి చిత్రాల్లో క్రూరత్వం, నగ్నత్వం తక్కువగా ఉండటం వల్ల పెద్దగా సెన్సార్ అవసరం రాలేదు. కానీ తొలిసారి.. భక్త విధుర చిత్రం వివాదానికి తెరలేపింది... ఈ చిత్రం రాజకీయ కోణంలో తీసిన వివాదాస్పద చిత్రంగా భావించారు.
ప్రధాన చిత్రాలకు పాటలే ప్రాణం... ఒక్కోసారి ఈ సాహిత్యం సమాజాన్ని కదిలించేదిగా ఉండేది. 1943లో అశోక్ కుమార్ రూపొందించిన బ్లాక్ బస్టర్ మూవీ కిస్మత్ ఓ సంచలనం.. అందులో దూర్ హఠో యే దునియా వాలా.. హిందుస్థాన్ హమారా.. అనే పాట.. వలస పాలకులకు ఓ సవాలుగా మారింది.
భారతీయ చలన చిత్రం కేవలం ఒక వ్యాపార దృక్పదంగా మిగల్లేదు. ఎక్కువ మంది నిర్మాతలు చలన చిత్రాన్ని ఒక బంగారు గుడ్లు పెట్టే బాతులా వినోదాత్మకంగా తీర్చి దిద్దడానికి ప్రాముఖ్యం ఇచ్చినా... శాంతారాం, మెహబూబ్‌ఖాన్, బిమల్‌రాయ్, అబ్బాస్ వంటి వారు సామాజిక కోణంలో ఉన్న చిత్రాలకే ప్రాముఖ్యతనిచ్చారు. సామాజిక సమస్యలను తెర పైకి ఎక్కించి వినోదాత్మకంగా రూపొందించి.. తాము చెప్పాల్సిన సందేశాన్ని సమాజానికి అందించే వారు. అంతేకాదు. వీరెవరూ తమ చిత్రాలు సమాజానికి ప్రతిబింబాలుగా ఉండాలని కోరుకోలేదు. తమ చిత్రాల ద్వారా ఏదో మార్పు రావాలని ఆశపడ్డారు. ఆ ఆశతోనే కులతత్వం పై, లింగ వివక్ష పై రకరకాల ప్రయోగాలు చేశారు.
భారతీయ చలన చిత్రంలో కొన్ని చిత్రాలు మైలు రాళ్లుగా నిలిచాయి. సత్యజిత్ రే తీసిన పథేర్ పాంచాలి చిత్రం 1956లో బెస్ట్ హ్యూమన్ డాక్యుమెంట్ బహుమతికి ఎంపికయింది. మరుసటి ఏడాది అమిత్ శంబు మిత్రా రూపొందించిన జగ్తేరహో చిత్రం కార్లోవీ వ్యారీ చిత్రోత్సవంలో మొదటి బహుమతి గెలుచుకోవడంతో... భారతీయ దర్శకులకు తాము గొప్ప చిత్రాలను రూపొందించగలమనే ఆత్మస్థైర్యం పెరిగింది.
ఇండియన్ సినిమా శరవేగంగా అభివృద్ధి చెందింది... జాతీయ బాష నుంచి స్థానిక బాషల్లో కూడా చిత్రాలు తీయగలిస్థాయికి ఎదిగింది.. 1962లో మొదటి బోజ్‌పురి చిత్రం... గంగా మయ్యా థోహె పియరీ చదాహిబో.. విడుదలయింది. దీంతో ప్రాంతీయ బాషలు తమ మాండలికాల్లో భావోద్వేగాలను తెరకెక్కిండంలో విజయవంతం అయ్యాయి.
భారతీయ చిత్రం ఉత్తర భారతం.. దక్షిణ భారత ప్రాంతాలలో ఎవరికి వారు విభిన్న శైలిలో చిత్రాలు నిర్మించడం ప్రారంభించారు. 1950 మరియు 60 లలో వస్తున్న అధునాతన బాషా పద్దతులను అనుసరిస్తూ... జెమినీ, ఏవీఎం, ప్రసాద్ ప్రొడక్షన్స్ చిత్రాలను రూపొందించుకుంటూ వెళ్లాయి.. ఈ పాటలు గ్రాంఫోన్ నుంచి రేడియోలో వినడం.. వాటిని జాతి మొత్తం ఆలపించడం ఓ కొత్త ఒరవడికి శ్రీకారం చుట్టింది.
ఇంతింతై వటుడింతై అన్న చందంగా భారతీయ చలన చిత్రం ఎదిగింది. ప్రపంచవ్యాప్తంగా అత్యధిక చిత్రాలను ఉత్పత్తి చేసే స్థాయికి ఎదిగింది.. ఇటు వ్యాపర పరంగా గానీ.. సాంకేతిక పరంగా గానీ ప్రపంచ చిత్రాలకు పోటీనిస్తోంది. అంతర్జాతీయంగా భారీ వసూళ్లు రాబడుతున్నాయి. త్రీ ఇడియట్స్ చిత్రం భారతదేశం వెలుపల పది మిలియన్ డాలర్లకు పైగా వసూలు చేసింది. మైనేమ్ ఈజ్ ఖాన్ చిత్రం దక్షిణ కొరియాలో 2.6 మిలియన్లు వసూలు చేసింది. రోజు రోజుకూ సినిమా తన రూపం మార్చుకుంటోంది. పాటల చిత్రణలోనూ... చిత్రం నిడివిలోనూ.. తెరపై ఆవిష్కరించే విధానంలో.. శబ్ద మాధ్యమంలో వినూత్న మార్పులు వస్తున్నాయి.
వందేళ్ల భారతీయ చలన చిత్రం ఓ అద్భతం.. నాటి నుంచి నేటి వరకు ఎందరో కళాకారులు చిత్రలే లోకంగా బతికారు. ఎంజీఆర్, ఏఎన్నార్, యన్టీఆర్.. రాజ్‌కుమార్, అమితాబ్ బచ్చన్, ఉత్తమ్ కుమార్.. వంటి వారు తమ కలలను సాకారం చేసుకున్నారు. తెర పై మెరిసి తారలుగా చెలామణి అయ్యి లక్షలాధి అభిమానుల హృదయాలను కొల్లగొట్టారు.. భారతీయ చలన చిత్రం మరిన్ని శతదినోత్సవాలు జరుపుకోవాలి... అందుకే భారతీయ చిత్రానికి శత సహస్రమానం భవతి చెబుదాం..
Saturday, April 14, 2012
నైజీరియాలో పుడితే ఎయిడ్స్ తప్పదా..?
దక్షిణాఫ్రికాలో హెచ్ఐవీ ప్రమాదకర స్థాయిలో విజృంబిస్తోంది. మొత్తం జనాభానే తుడిచేస్తుందా అనేంతటి భయంకర గణాంకాలు వెలుగు చూస్తున్నాయి. తాజాగా నైజీరియా అత్యున్నత అధికారులు వెల్లడించిన వివరాల ప్రకారం కొత్తగా పుట్టిన శిశువుల్లో సుమారు 70 వేల మందికి హెచ్ఐవీ సోకినట్టు తేలింది. వీరితో బాటు అనేక మంది గర్భిణిలకు హెచ్ఐవీకి సంకేతంగా క్షయ, మలేరియా వంటి వ్యాధులతో బాధపడుతున్నట్టు తెలిపారు.
ఆఫ్రికాలో హెచ్ఐవీ ప్రమాదకర స్థాయిలో విస్తరిస్తుందనేది ఎప్పటి నుంచో వింటున్న విషయమే... కానీ తాజా అధ్యయనాలు చూస్తే వెన్నులో వణుకు పుట్టిస్తున్నాయి. నైజీరియా ఉన్నతాధికారులు వెల్లడించిన గణాంకాలు ఆందోళన కలిగిస్తున్నాయి. ఈ మధ్యకాలంలో పుట్టిన పిల్లల్లో సుమారు 70 వేల మంది శిశువులకు పైగా హెచ్ఐవీతో జన్మించారని అధికారులు చెబుతున్నారు. దీంతో బాటు గర్బిణీల్లో చాలా మంది క్షయ, మలేరియా వంటి వ్యాధులతో బాధపడుతున్నారని తేలింది.
అయితే క్షయ వ్యాధి హెచ్ఐవీకి సూచకంగా చెబుతారు. గర్భిణీలకు ఎక్కువ మందికి క్షయ ఉండటం హెచ్ఐవీకి సూచకంగానే భావిస్తున్నారు. ఈ పరిస్థితి ఇలాగే కొనసాగితే... రానున్న పది, ఇరవై ఏళ్లలో ఆఫ్రికాలో హెచ్ఐవీ మరణాలు ఎక్కువ సంఖ‌్యలో ఉండబోతున్నాయని అధికారులు చెబుతున్నారు. స్టేట్ యాక్షన్ కమిటీ ఆన్ ఎయిడ్స్ సంస్థ ఎయిడ్స్ వ్యాప్తిని అరికట్టేందుకు కృషి చేస్తోంది. నైజీరియా ప్రజలను చైతన్యం చేయడంలో వివిధ రకాల సంస్థలు కలిసి పనిచేయాలని అధికారులు విజ్ఞప్తి చేస్తున్నారు. ముఖ్యంగా తల్లి నుంచి బిడ్డకు హెచ్ఐవీ సోకకుండా ఇంజక్షన్లు ఇప్పించడంలో చొరవ చూపాలని చెబుతున్నారు.
భౌషా ఇప్పుడు అంబేడ్కర్ కంటే... ఒక జార్జిరెడ్డి సమాజానికి అత్యవసరం
ప్రవహించే ఉత్తేజాలకు పురుడు పోసే ఉస్మానియా శిఖరంలో పుట్టిన ఉద్యమ ధృవతార జార్టిరెడ్డి... అణగారిన అట్టడువర్గాల ప్రతినిధి అంబేడ్కర్.. యాదృచ్ఛికంగా ఈ రోజే ( 14 ఏప్రియల్) జార్జిరెడ్డి వర్ధంతి, అంబేడ్కర్ జయంతి ఒకే రోజు రావడం వల్ల ఉద్యమ స్ఫూర్తి రగిలించే రోజుగా మిగిలింది.. వాస్తవానికి ఇప్పుడున్న సామాజిక పరిస్థితుల్లో అంబేడ్కర్ అవసరం ఇక లేదేమో అనిపిస్తుంది. అంటే దళిత బహుజనులు బాగుపడ్డారని... వెలివేత నుంచి.. అంటరాని తనం నుంచి బయట పడ్డారని కాదు... అంబేడ్కర్ లా ఆలోచించే చైతన్యం ఇప్పుడు ప్రతి దళితుడిలో వచ్చింది.. వెనకబడిన తరగతులు కూడా ఒక్కటవ్వాలని అప్పుడప్పుడు ఉద్యమ పిడికిళ్లు బిగిస్తున్నారు. కానీ ఎటొచ్చీ.. ఇప్పుడు ఉద్యమ ప్రస్థానంలో పిడికిలెత్తి బిగించి అన్యాయాన్ని.. రాజ్య దురహంకారాన్ని ప్రశ్నించగలిగే విద్యార్ధి మేథావులు కాస్త కరువయ్యారని కష్టంగానైనా చెప్పక తప్పని పరిస్థితి. క్యాంపస్ రిక్రూట్ మెంట్లు... కార్పోరేట్ కల్చర్ అభివృద్ధి చెందాక.. సమాజం గురించి.. దాని మనుగడ గురించి... ఆలోచించే తీరికా ఓపికా విద్యార్ధుల్లో తగ్గిందనే చెప్పాలి. ఆధునిక సమాజం నేర్పిన రకరకాల వ్యసనాల వల్ల కావచ్చు.. బ్రతుకుదెరువుకు బాండెడ్ లేబర్ గా మరిన వైనం కావచ్చు.. సలాం కొట్టే వాడికి వంగి సలాం కొట్టే వాడు పుడుతున్నాడు.. అందుకే ఇప్పుడొక జార్జిరెడ్డి కావాలి... ఉద్యమ కెరటాలను ఉప్పెనలా గుప్పించే ఉస్మానియాలో ఆవేశం కట్టలు తెంచుకుంటుంది.. కానీ దాన్ని ఒక్కతాటి పైకి తెచ్చి సామాజిక ఉద్యమాలకు వెన్నుదన్నుగా నిలబెట్టే నికార్సయిన నాయకుల కరువయ్యారు. నలభై ఏళ్లయినా మర్చిపోని నాయకుడు జార్జిరెడ్డి.. కానీ తెలంగాణ మలిదశ ఉద్యమ ప్రస్తానంలో ఉస్మానియా గుండెకాయగా నిలిచింది.. కానీ తొలిదశలో ఉన్న నాయకులు ఇప్పుడెలా ఉన్నారో తెలిస్తే ఆశ్చర్యం వేయక తప్పదు.. ఒక్క తెలంగాణ గురించే కాదు.. అవినీతి..నిర్లక్ష్యం... జవాబుదారీతనం లేని సమాజాన్ని మార్చేందుకు ఒక ఉద్యమ భావాలున్న మేథావి కావాలి.. జార్జిరెడ్డి చదువుకోకుండా... రాజకీయాల్లో తిరిగి నలుగుర్ని బాది విద్యార్ధి నాయకుడిగా చెలామణి అయిన వాడు కాదు.. నికార్సయిన మేథావి.. గోల్డ్ మెడలిస్టు.. ఇటు చరిత్రను సైన్సును, తత్వశాస్త్రాన్ని, మానసిక శాస్త్రాన్ని అధ్యయనం చేసిన వ్యక్తి.. వీటితో బాటు ప్రపంచ విప్లవ సాహిత్యాన్ని, గమనాన్ని మొత్తం విప్పి చెప్పగల మేథావి.. కానీ తన మేథావి తనాన్ని సమాజానికి కొంతైనా ఉపయోగించాలని తపన పడ్డ వ్యక్తి.. అయితే దురదృష్ట వశాత్తూ ఆయన హత్యగావింప బడిన తీరే తలుచుకుంటే సిగ్గుచేటు అనిపిస్తుంది. ఇప్పుడు మేథావులు, లేరని కాదు.. కానీ వారి ఇంటెలెక్చువాలిటీ వారి అభివృద్ధికో లేక వారి కుటుంబానికి మాత్రమే పరిమితం అవుతుంది. సమాజం గురించి ఆలోచించేవారు అరుదయ్యారు.. ఆలోచించినా వారు మొదటి దశలోనే సమాజ తీరు.. వ్యక్తుల స్వార్ధ కుటిల తత్వాలను చూసి ఛీ అని వెనుతిరుగుతున్నారు. కానీ సమాజం పుట్టినప్పణ్ణుంచి ఇలాగే ఉందనే వాస్తవాన్ని గుర్తెరగలేకున్నారు. ఇప్పటి ఆధునిక వాతావరణమే కాదు.. నాటి పరిస్థితులు కూడా ఇంతే స్వార్ధపూరితంగా ఉన్నాయి. కానీ వాటిని కూడా ఛేదించి అర్ధం చేసుకొని జీవితాలను త్యాగం చేసిన విప్లవవీరులున్న జాతి మనది.. అందుకు ఇప్పుడు నిస్తేజంతో మునిగిపోయిన మన సమాజానికి ఒక జార్జిరెడ్డి కావాలి... విధ్యార్ధిలోకాన్ని ఆలోచింప జేసే ప్రవహించే ఉత్తేజం కావాలి.. చేగువేరా నుంచి జార్జిరెడ్డి స్ఫూర్తి పొందినట్టు... జార్జినుంచి మనం నేర్చుకోవాల్సింది చాలా ఉంది..
Tuesday, April 10, 2012
ఉత్తర కొరియా యుద్ధోన్మాదం... కొరియా తలకొరివి... మూడవ ప్రపంచ యుద్ధానికి నాంది
ఉత్తర కొరియా రాకెట్ ప్రయోగాన్ని తూర్పు ఆసియా దేశాలతో బాటు అమెరికా కూడా మండిపడుతోంది. ఉత్తర కొరియా చేసే ఈ ప్రయోగం.. అంతర్జాతీయ భద్రతా మండలి ఒప్పందాలను ఉల్లంఘించడం కిందకు వస్తుందని అభిప్రాయ పడింది. ఉత్తర కొరియా మాజీ అధ్యక్షుడు కిమ్‌ సంగ్ వందో జయంతి సందర్భంగా ఈ రాకెట్ ప్రయోగం జరపనున్నట్లు ఉత్తర కొరియా ప్రకటించింది. అయితే ఉత్తర కొరియా ప్రయోగించే రాకెట్ నిబంధనలకు విరుద్దంగా ఉందని దాన్ని కూల్చడానికి కూడా వెనకాడేది లేదని జపాన్ గతంలోనే హెచ్చరించింది. ఉత్తర కొరియా మాత్రం తమ ప్రయోగం శాంతియుత ప్రయోజనాలకే నని చెబుతోంది
ఉత్తర కొరియా గురువారం చేయబోయే రాకెట్ ప్రయోగానికి ప్రపంచ దేశాల నుంచి పూర్తి వ్యతిరేకత వ్యక్తమవుతోంది. పొరుగు దేశాలను రెచ్చగొట్టే ప్రయోగాలుగానీ... భద్రతకు ముప్పు తెచ్చే ప్రయోగాలు చేయబోమని భద్రతా మండలికి హామీ ఇచ్చినట్టే ఇచ్చి... ఆ హామీ తుంగలో తొక్కి రాకెట్ ప్రయోగానికి సిద్ధపడుతోందని అమెరికా మండిపడుతోంది. తాజాగా రాకెట్ ప్రయోగానికి సంబంధించిన యానిమేషన్ వీడియోను కూడా ఉత్తర కొరియా విడుదల చేయడంతో.. రాకెట్ ప్రయోగం ఖరారైనట్టు తెలుది. ఈ ప్రయోగానికి ఉత్తర కొరియా మాజీ అధ్యక్షుడు కిం సంగ్ వందో జయంతి సందర్భంగా ఈ ప్రయోగం చేస్తున్నట్టు ఉత్తర కొరియా ప్రభుత్వం చెబుతోంది. ఈ ప్రయోగం కేవలం శాంతియుత ప్రయోజనాల కోసమేనని... ఎవరినీ ఇబ్బంది పెట్టబోమని చెబుతోంది.
అయితే దక్షిణ కొరియా.. ఇతర పొరుగు దేశాలు మాత్రం.. ఉత్తర కొరియా ప్రయోగా మాటున అణు ప్రయోగాలున్నాయని ఆరోపిస్తున్నాయి. భూ గర్భంలో అణు ప్రయోగాలు చేస్తుందని.. మిస్సైల్ ప్రయోగాలకు సిద్ధపడటంలో బాగంగానే ఈ రాకెట్ ప్రయోగమని చెబుతున్నాయి. ఉత్తర కొరియా చర్యల పై భద్రతా మండలి ఆందోళన వ్యక్తం చేస్తోంది.
ఉత్తర కొరియా గతంలో యుద్దోన్మాదాన్ని వీడతామని, ఆహార పదార్థాల తరలింపులో సాయం చేయాలని యుఎన్‌ఓను కోరింది. ఈ మాటలను నమ్మిన యుఎన్‌ఓ అమెరికాతో 240 మిలియన్ టన్నుల ఆహార పదార్థాలను సరఫరా చేయించింది. ఆహార పదార్థాల అవసరం తీరగానే ఉత్తర కొరియా యుద్దానికి సిద్ధమవుతుందా అనే సందేహాలు కూడా వ్యక్తమవుతున్నాయి.... అంతర్జాతీయ ఒప్పందాలకు అనుగుణంగానే వ్యవహరిస్తామంటూ అమెరికాతో చర్చలు కొనసాగుతాయని నమ్మబలుకుతోంది.
1998లో తొలిసారి ఉప గ్రహాన్ని తీసుకెళ్లే రాకెట్‌ను పంపినప్పటికీ ఆ ప్రయత్నం సఫలం కాలేదు. 2006లో మరోసారి ఇలాంటి ప్రయోగమే చేసి చేతులు కాల్చుకుంది. 2009 ఏప్రిల్ 5న ముచ్చటగా మూడోసారి ఉప గ్రహాన్ని అంతరిక్షంలోకి ప్రయోగించేందుకు యత్నించింది. మళ్లీ షరామామూలే. ఆ ప్రయోగం కూడా విఫమైంది. మూడుసార్లు చేదు అనుభవం ఎదురైనప్పటికీ ఉత్తర కొరియా మరోసారి ఉపగ్రహ ప్రయోగానికి సన్నాహాలు దాదాపు పూర్తి చేసింది. ఈనెల 12 తేదీ ఉపగ్రహ ప్రయోగానికి దాదాపు అన్ని ఏర్పాట్లు పూర్తయ్యాయి.. ఈ ప్రయోగ సమయానికి ప్రపంచ దేశాల స్పందనలు.. ప్రయోగం తరువాత జరగబోయే పరిణామాలు ఎలా ఉండబోతాయోనని ప్రపంచ దేశాలు నిఘా నేత్రాలతో చూస్తున్నాయి.
విజువల్స్
Friday, April 6, 2012
మవోయిస్టులను రూపుమాపే ప్రభుత్వ తాజా వ్యూహం
Monday, April 2, 2012
పునరావాస కేంద్రాల్లో పచ్చి వ్యభిచారం... స్వచ్ఛంద సంస్థల ముసుగులో దోపిడీ
కూటి కోసం కోటి విద్యలన్నారు పెద్దలు.. కానీ ఏ విద్యా రాని ఈ అభాగ్య గిరిజన మహిళలు వ్యభిచార వృత్తిని ఆశ్రయిస్తున్నారు. కడప, చిత్తూరు, అనంతపురం జిల్లాలకు చెందిన మహిళతో ఇటు ప్రభుత్వం అటు స్వచ్ఛంద సంస్థలు... చేయూతనిస్తున్నమని చెబుతూ వారి జీవితాలతో చెలగాటమాడుతున్నాయి. వ్యభిచారాన్ని మించిన ఈ అనైతిక వ్యాపారంలో అమాయక మహిళలు సమిధలవుతున్నారు. స్వచ్ఛంద సేవ పేరుతో సాగుతున్న చెలగాటం ఒకవైపు.. పాత వృత్తిలో చేసిన పని పునరావాస కేంద్రాల్లో మళ్లీ చేయమనే ఒత్తిడి మరోవైపు.. బతుకు దెరువుకు దారితప్పిన వారిని బానిసలుగా మార్చి చేస్తున్న వ్యాపారం పై ప్రత్యేక కథనం.
పునరకావాసం / వెలయాలి విలాపం / చేను మేసే కంచె/
రైలుబండి దిగి తలలకు ముసుగులు ధరించి కనిపించే వీరంతా... వ్యభిచార కూపం లోంచి రక్షించబడ్డ యువతులు.. తెలిసో తెలియకో... లేక తెలిసినా విధిలేకో.. వీరు ఈ వృత్తిలో అడుగు పెట్టారు. కానీ ఈ వృత్తిలో అడుగు పెట్టిన మరు క్షణమే వీరు ఎందరికో వ్యాపార వస్తువులయ్యారు. మొదట వీరు వృత్తిలోనే దోపిడి గురవుతారు. వీరిని అడ్డం పెట్టుకొని.. నిర్వాహకులు రోజుకు పదివేలు సంపాదించి... వందరూపాయలు కూడా ఇవ్వరు. మరోవైపు వీరిని రక్షించామని చెప్పి ఒకరు దోచుకుంటుంటే.. వీరికి పునరావాసం కల్పిస్తామని చెప్పి మరొకరు దోచుకుంటారు. ఇక పునరావాసం పేరుతో సాగే అరాచకం మరో వికృతం. అలవాటైన పాత పనేగా... మళ్లీ చేసి తమ పనులు చేయించమంటూ వత్తిడి.. పునరావాసం పేరుతో పున్నామ నరకం.. ఇవన్నీ అనంతపురం జిల్లాలో వ్యభిచార వృత్తిలోకి దిగిన మహిళల కన్నీటి వెతలు... వెలయాలులను అడ్డం పెట్టుకొని నడుపుతున్న అడ్డగోలు దందా..
దేశంలో ఏ వ్యభిచార గృహం పై దాడి జరిగినా.. దొరికిన వారిలో అనంతపురం జిల్లాకు చెందిన వారే అధికంగా ఉంటున్నారు. దీనికి కారణం ఇక్కడున్న సామాజిక ఆర్ధిక పరిస్థితులతో... బాటు వాటిని అడ్డం పెట్టుకొని వీరితో వ్యాపారం సాగించేందుకు మభ్యపెట్టే ట్రాఫికర్స్ ఎక్కువ కావడం మరో కారణం.. జిల్లాలో కదిరి, పుట్టపర్తి నియోజకవర్గాల్లో యువతులు వ్యభిచార వృత్తిలో అడుగుపెడుతున్నారు. ఇక్కడ తండాల్లో నివసించే వారిని సుగాలీలు అంటారు. వీరితో బాటు కదిరి నియోజక వర్గంలో ఉన్న మైనారిటీ యువతులను మాయమాటలు చెప్పి ఈ వృత్తిలోకి దించుతున్నారు. 2004 నుంచి 2011 వరకు సుమారు 72 మంది ఈ వృత్తిలో మగ్గుతున్నట్టు అధికారిక అంచనాలు చెబుతున్నాయి.
ఈ వృత్తిలో నరకం అనుభవించిన వారితో బ్రోకర్లు కుమ్మక్కై పచ్చి అబద్దాలు చెప్పి అమ్మాయిలకు విలాస జీవితాన్ని ఎర వేసి ఈ వృత్తిలో దింపుతున్నారు. ప్రలోభానికి గురై ఈ నరకకూపంలోఅడుగు పెట్టిన అమ్మాయిలకు భూలోక నరకం అంటే ఏంటో చూస్తారు. రోజుకు 50 నుంచి 100 మంది విటులతో గడపాల్సి వస్తుందని యువతులు చెబుతున్నారు. ఇంత చేసినా తమకు రోజుకు వంద రూపాయలు కూడా ఇవ్వకుండా నిర్వాహకులు మాత్రం రోజుకు 10వేల పైచిలుకు సంపాదిస్తారని ఆవేదన వ్యక్తం చేశారు. అయితే ఇదంత ఒక ఎత్తు. ఇక మరో దోపిడీ స్వచ్ఛంద సంస్థలు, పోలీసుల పేరుతో సాగుతోంది. వ్యభిచార కూపంలో ఉన్న యువతులు ఇచ్చిన సమాచారంతో వారిని కాపాడి... తరువాత మళ్లీ వారినే వ్యభిచార గృహాలకు తరలిస్తారు. అక్కడికి వెళ్లగానే వారు ఇచ్చిన సమాచారంతో మళ్లీ యువతులను రక్షించినట్టు డ్రామా ఆడుతారు. దీంతో వ్యభిచార గృహ నిర్వాహకుల నుంచి భారీగా వసూలు చేయడం.. మరోవైపు ప్రభుత్వం నుంచి ప్రశంసలు.. ఈ స్వచ్ఛంద పనిని అడ్డం పెట్టుకొని అడ్డగోలుగా నిధులు కొల్లగొట్టడం ఒక వ్యాపారం గా మారింది.
ముఖ్యంగా పుట్టగొడుగుల్లా వెలిసిన స్వచ్చంద సంస్థలు వీరికి పునారావాసం కల్పిస్తామంటూ.. మరోదోపిడి చేస్తున్నాయి. కదిరిలో వెలిసిన ఒక స్వచ్ఛంద సంస్థ వీరిని కాపాడిన నెపంతో 15 మంది అమ్మాయిలను తీసుకువచ్చి పునారావాసం పేరుతో మళ్లీ వ్యభిచార గృహం నిర్వహించింది. ఈ పునరావాస కేంద్రాల్లో వీరికి బతుకు దెరువుకు పనికి వచ్చే పనులేవీ నేర్పకపోగా.. వీరితో పాత పనులు చేయమని వత్తిళ్లు తెస్తున్నట్టు చెబుతున్నారు.
స్వచ్ఛంద ముసుగులో సాగుతున్న అరాచకం వల్ల నిజంగా సేవ చేసే వారు తట్టుకోలేకపోతున్నారు. ఇటు పోలీసులు, లాయర్లు, స్థానిక నాయకుల అండ పుష్కలంగా ఉండటంతో పునరావాస కేంద్రాల్లోఉండే వారిని కాపాడలేకపోతున్నామంటున్నారు.
అనంతపురం జిల్లాలో సాగుతున్న ఈ చీకటి వ్యాపారాన్ని హన్స్ ఇండియా, హెచ్ఎంటీవీ కలెక్టర్ దృష్ఠికి తీసుకెళ్లడంతో తీగ కదిలింది. రిహాబిలిటేషన్ సెంటర్లను పరిశీలించి దగాపడ్డ వారికి తగిన న్యాయం చేస్తామని హామీ ఇచ్చారు.
బతుకు దెరువుకు దారి తప్పిన యువతులు.. ఆ దారిలో ఉన్న కష్టాలు చూసైనా కనువిప్పు కలగాలి.. చీకటి దారుల్లో చిరువెలుగు కూడా చిచ్చర పిడుగులా కబళిస్తుందన్న నిజం తెలుసుకుంటే.. ఈ దారిలోకే వెళ్లరు.
Sunday, April 1, 2012
బయటపడ్డ..శశికళ జయలలితల బండారం.. కార్యకర్తల కన్నెర్ర..?
బయటపడ్డ..శశికళ జయలలితల బండారం.. కార్యకర్తల కన్నెర్ర..?
ప్రాణ స్నేహితులైన జయలలిత, శశికళ మళ్లీ ఒక్కటయ్యారు. మూడు నెలల క్రితం పార్టీ నుంచి బహిష్కరించిన తన నెచ్చెలి శశికళను జయ తిరిగి అక్కున చేర్చుకున్నారు. శశికళను మళ్లీ పార్టీలోకి తీసుకుంటున్నామని అన్నాడీఎంకే చీఫ్, తమిళనాడు ముఖ్యమంత్రి జయలలిత ప్రకటించారు. ఇంతవరకూ బాగానే ఉన్నా కార్యకర్తలు మాత్రం జయశశి వ్యవహారం పై గుర్రుగా ఉన్నారు. వీరి విరహ తాపాలకు పార్టీని వాడుకోవడం పట్ల కార్యకర్తలు ఆందోళన వ్యక్తం చేస్తున్నట్టు తెలుస్తోంది.
జయలలిత.. శశికళ.. ఈ రెండు పేర్లూ.. వారికున్న అనుబంధమేంటో తెలియంది కాదు. ఒకరిని విడిచి ఒకరు ఉండలేరు.. ఈ విషయాన్ని మరోసారి నిరూపించింది జయలలిత... రాజకీయాల్లో శాశ్వత మిత్రులు.. శాశ్వత శత్రువులు ఉండరంటారు.. అందుకే మూడు నెలల క్రితం పార్టీ నుంచి బహిష్కరించిన శశికళను తిరిగి తన పోయెస్ గార్డెన్ లోకి పిలిపించుకుంటోంది.. శశికళ పై బహిష్కరణ ఎత్తేస్తున్నట్టు జయలలిత ప్రకటించింది... ఇంతవరకు బాగానే ఉంది.. వచ్చిన చిక్కల్లా కార్యకర్తలకే... పార్టీ ఆదేశాలను ఎలా పాటించాలో.. ఎవరిని ఎలా పరిగణించాలో దిక్కుతోచని పరిస్థితి.
జయలలిత, శశికళల గిల్లికజ్జాలు.. పార్టీ కార్యకర్తలకు ప్రాణసంకటంగా మారాయి. వీరిద్దరి నడుమ కార్యకర్తలు నలిగిపోతున్నారు. పార్టీ వ్యతిరేక కార్యకలాపాలకు పాల్పడుతున్నారంటూ శశికళతోపాటు ఆమె బంధువులు 19 మందిని అన్నాడీఎంకే నుంచి బహిష్కరిస్తూ గత ఏడాది డిసెంబర్ 19న జయలలిత ఆదేశాలు జారీ చేసింది. దీంతో శశికళ వర్గం పై కార్యకర్తలు చిందులు తొక్కారు. అన్నా డీఎంకే పార్టీకి వ్యతిరేకంగా పనిచేసిన వారిని కార్యకర్తలు క్షమించడానికి ససేమిరా అంటున్నారు. ఈ సందర్భంలోనే జయలలిత శశికళను తిరిగి తన గూట్లోకి తెచ్చుకోవాలని నిర్ణయించడం కార్యకర్తలకు మింగుడు పడటం లేదు.
జయలలిత తనకు అక్క అని... ఆమెకు ద్రోహం తలపెట్టనని శశికళ ఇటీవలే ఒక ప్రకటన విడుదల చేశారు. నా బంధువులు అక్కకు ద్రోహం చేసిన విషయం పార్టీ నుంచి బయటికొచ్చాక గానీ నాకు తెలియలేన్నారు. జయ అంటే తనకు ప్రాణంమని... ఆమెకే తన జీవితం అంకితమని తెలిపారు, జీవితాంతం అక్కకు సేవ చేస్తూ తనువు చాలిస్తానని శశికళ స్టేట్‌మెంట్లు గుమ్మరించడంతో.. జయలలిత మనసు చల్లబడింది.. స్టేట్ మెంట్లతో సరిపుచ్చక ఏకంగా జయలలితకు ఓ లేఖకూడా రాసింది. శశికళ ఇచ్చిన వివరణ జయలలితకు సంతృప్తినిచ్చిందనీ.....దాంతో ఆమెను మళ్లీ పార్టీలోకి.....తన అంతరంగిక మందిరంలోకి ఆహ్వానిస్తున్నట్టు ప్రకటించింది.. అయితే శశికళ భర్త నటరాజన్ సహా మిగతా 19 మందిపై మాత్రం క్రమశిక్షణ చర్యలు కొనసాగుతాయని స్పష్టం చేశారు. కాగా, ఈ స్నేహితులిద్దరూ విడిపోయి మళ్లీ కలవడం ఇదేమీ తొలిసారి కాదు. 1996 అసెంబ్లీ ఎన్నికల్లో పార్టీ ఓడటంతో శశిని జయ పార్టీ నుంచి తొలగించారు. ఆ తర్వాత కొన్నేళ్లకు మళ్లీ ఇద్దరూ కలిశారు.
ఇంత వరకూ బాగానే ఉంది... కానీ శశికళ మళ్లీ పార్టీలోకి వచ్చాక.. తన పై గుర్రుగా ఉన్న కార్యకర్తలకు ఏ ముప్పు తెచ్చిపెడుతుందో అని హడలిపోతున్నారు. పొట్టేళ్ల పొట్లాటకు పిల్లల కాళ్లు విరగినట్టుందని... కార్యకర్తలు ఆందోళన వ్యక్తం చేస్తున్నారు.
Subscribe to:
Posts (Atom)