బలస్వామ్యం

వాడెందుకు పుట్టాడో... ఎలా పుట్టాడో
ఎవరికి పుట్టాడో... ఎక్కడ పుట్టాడో
వాడికే కాదు.. ఎవరికీ తెలియదు..
కానీ..
ప్రతి కులంలోనూ వాడుంటాడు..
ప్రతి మతంలోనూ వాడుంటాడు...
ప్రతి పార్టీ వాడిదేేే...
ప్రతి సెక్షన్ వాడి కోసమే...
.........................
జీవిత సారాన్ని ఎంత జీర్ణించుకున్నాడు
సమాజ గ్రంధాన్ని ఎంతగా చదివాడు వాడు
ఇప్పుడు వాడికి అందరూ మిత్రులే..
ఇప్పుడు వాడిలో అన్నీ ఉన్నాయి..
ధైర్యం కూడా...
అందుకే తెగించాడు.. తెగదెంచాడు..
తిరుగులేని నాయకుడయ్యాడు..
తనపై సమాజానికి లేని జాలి
ఈ సమాజం పై తనకెందుకు
అందుకే ఇది వాడి స్వామ్యం...
వాడి వలన, వాడి చేత వాడి కొరకు
ఇది వాడిగా మొనదేరిన వాడిస్వామ్యం..
ఇది బలమున్నోడి స్వామ్యం..
బలస్వామ్యం.. బలవంత స్వామ్యం.